ਰਾਹੁਲ ਨੇ ਕਿਹਾ ਮੋਦੀ ਸਰਕਾਰ ਨੇ ਮੇਹੁਲ ਚੋਕਸੀ ਨੂੰ ਦਿੱਤੀ ‘ਕਲੀਨ ਚਿੱਟ’

ਨਵੀਂ ਦਿੱਲੀ – ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਭਗੋੜਾ ਹੀਰਾ ਕਾਰੋਬਾਰੀ ਮੇਹੁਲ ਚੋਕਸੀ ਦੇ ਐਂਟੀਗੁਆ ਦੀ ਨਾਗਰਿਕਤਾ ਹਾਸਲ ਕਰਨ ਨੂੰ ਲੈ ਕੇ ਸ਼ੁੱਕਰਵਾਰ ਨੂੰ ਨਰਿੰਦਰ ਮੋਦੀ ਸਰਕਾਰ ‘ਤੇ ਨਿਸ਼ਾਨਾ ਵਿੰਨ੍ਹਿਆ ਅਤੇ ਦਾਅਵਾ ਕੀਤਾ ਕਿ ਪੰਜਾਬ ਨੈਸ਼ਨਲ ਬੈਂਕ ਦੇ 13 ਹਜ਼ਾਰ ਕਰੋੜ ਰੁਪਏ ਦੀ ਲੁੱਟ ਕਰਨ ਵਾਲੇ ਮੇਹੁਲ ਚੋਕਸੀ ਨੂੰ ਇਸ ਸਰਕਾਰ ਨੇ ‘ਕਲੀਨ ਚਿੱਟ’ ਦਿੱਤੀ ਤਾਂ ਕਿ ਉਹ ਐਂਟੀਗੁਆ ਦਾ ਨਾਗਰਿਕ ਬਣ ਸਕੇ। ਗਾਂਧੀ ਨੇ ਇਕ ਵੀਡੀਓ ਸ਼ੇਅਰ ਕਰਦੇ ਹੋਏ ਟਵੀਟ ਕੀਤਾ ਕਿ ਅੱਜ ਦੀ ਵੱਡੀ ਖਬਰ : ਭਾਰਤ ਨੇ ਸ਼੍ਰੀਮਾਨ 56 ਦੇ ‘ਸੂਟਬੂਟ’ ਵਾਲੇ ਦੋਸਤ ਮੇਹੁਲ ‘ਭਰਾ’ ਚੋਕਸੀ ਨੂੰ 2017 ‘ਚ ਕਲੀਨ ਚਿੱਟ ਦਿੱਤੀ ਜਿਸ ਨਾਲ ਉਸ ਨੇ ਐਂਟੀਗੁਆ ਦੀ ਨਾਗਰਿਕਤਾ ਹਾਸਲ ਕਰ ਲਈ। ਉਨ੍ਹਾਂ ਨੇ ਕਿਹਾ ਕਿ ਇਸ ‘ਭਰਾ’ ਨੇ ਪੀ.ਐੱਨ.ਬੀ. ਦੇ 13,000 ਕਰੋੜ ਲੁੱਟੇ ਅਤੇ ਫਿਰ ਭਾਰਤ ਤੋਂ ਫਰਾਰ ਹੋ ਗਿਆ। ਇਸ ਤੋਂ ਪਹਿਲਾਂ ਕਾਂਗਰਸ ਦੇ ਪ੍ਰਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਇਕ ਬਿਆਨ ਜਾਰੀ ਕਰ ਕਿਹਾ ਕਿ ਐਂਟੀਗੁਆ ਦੀ ‘ਸਿਟੀਜਨਸ਼ਿਪ ਇਨਵੈਸਟਮੈਂਟ ਯੂਨਿਟ’ ਨੇ ਇਕ ਪ੍ਰੈਸ ਰਿਲੀਜ਼ ਜਾਰੀ ਕੀਤਾ ਸੀ ਜਿਸ ‘ਚ ਕਿਹਾ ਗਿਆ ਹੈ ਕਿ ਮਈ, 2017 ‘ਚ ਭਾਰਤੀ ਵਿਦੇਸ਼ ਮੰਤਰਾਲੇ ਨੇ ਮੇਹੁਲ ਚੋਕਸੀ ਨੂੰ ਨਾਗਰਿਕਤਾ ਦੇਣ ਲਈ ‘ਕਲੀਨ ਚਿੱਟ’ ਪ੍ਰਮਾਣ ਪੱਤਰ ਜਾਰੀ ਕੀਤਾ ਸੀ। ਸੁਰਜੇਵਾਲਾ ਨੇ ਇਕ ਬਿਆਨ ਜਾਰੀ ਕਰ ਕਿਹਾ ਕਿ ਐਂਟੀਗੁਆ ਦੀ ‘ਸਿਟੀਜਨਸ਼ਿਪ ਇੰਵੈਸਟਮੈਂਟ ਯੂਨਿਟ’ ਨੇ ਇਕ ਪ੍ਰੈਸ ਰਿਲੀਜ਼ ਕਰਦੇ ਹੋਏ ਇਹ ਦਾਅਵਾ ਕੀਤਾ ਕਿ ਜਾਰੀ ਕੀਤਾ ਕਿ ‘ਕਲੀਨ ਚਿੱਟ’ ਪ੍ਰਮਾਣ ਪੱਤਰ ‘ਚ ਸਪੱਸ਼ਟ ਕੀਤਾ ਗਿਆ ਸੀ ਕਿ ਚੋਕਸੀ ਨੂੰ ਲੈ ਕੇ ਕੋਈ ‘ਪ੍ਰਤੀਕੂਲ ਸੂਚਨਾ’ ਨਹੀਂ ਹੈ।